Тæхудой, æна,
Маргъ ку фестинæ,
Мæ унгæг къуымæй
Фæццæйтæхинæ
А дуйнетæбæл
?рцæйзелинæ,
Каами ци дессаг,—
Уой басгаринæ...
Тæходуй, æна,
Ацæмæзау дин
Æз ку фестинæ
Дессаг фæндургин:
Хъазбеги цъонгмæ
Исцæйцæуинаг,
Дессагон зартæ
Æрцæйцзегъдинæ...

Уæд еугур дуйне
Æримбурд уидæ,
Мæ цæгъдтæлтæмæ
Æригъосидæ.
Кæми ци седзæр,
Кæми ци мæгур,—
Бауарзионцæ
Мæ дессаг фæндур…

И фарни тунæ
Æрфелауидæ,—
Уарзондзийнадæ
Æрфедар уидæ.
Уæд алли адæм,
Уæд алли бæстæ
Æркалионцæ
Сæ тохæн гæрзтæ.

Фал ку не 'ууæндун
Æз, мæгур кизгай,
Ку нæ рохс кæнуй
Мæ кизгон зæрдæ.
И дуйней сæргъи
И тугъдон мегътæ
Æрцæйдарунцæ
Сæ тогин тегътæ.

1934

Мостиздæх