logo

М О Я    О С Е Т И Я



БÆЛАС

Иппæрд лæууыди
Иу бæлас къохæй,
Домбай нæ уыди,
Сфæлмæцыд тохæй.

Цух уыди бæлас
Аууонæй сæрды.
Тынг цыдис ал’ аз
Дымгæйæ ‘фхæрды.

Тала уыд бонтæй,
Чъиу ыл нæ зынди.
Сидзæрмæ сонтæй
Йе сæфт æрзылди:

Айдзаг арв мигъæй,
Баталынг бон дæр,
Аззади джихæй
Сидзæр бынтондæр.

Алырдæм хъæдыл
Дымгæ ныууасыд,
Бæстæ йæ фæдыл
Зæхмæ ныттасыд.

Мигъты Цæгатæй
Æрдузмæ суры.
Арв дæр – дæ-да-дæй! –
Зæххимæ дзуры.

Сидзæры дымгæ
Фондзырдæм тасы,
Къалиутæ ‘лвынгæ
Сидзæрыл уасы.

Дымгæ нæ фæцис, –
Арв æй æрцавта,
Зæхмæ йын йе ‘мбис
Йемæ ныддавта.

Арвæй йæ сау мигъ
Састæй ныууыдта,
Иуцъусдуг аджих,
Стæй йыл ныккуыдта.

Уымæй æгасæй
Абон гæмæхæй
Мигъæмбæрц асæй
Схъис зыны зæххæй.

Уалæ йыл халон
Иунæгæй бады.
Мæрайы уаллон
Йе стонг æфсады.

1911 азæй 1915 азы ‘хсæн

ДЕРЕВО

Дерево встало
Где-то в сторонке,
Гнулся устало
Ствол его тонкий.

В поле без тени
Летом стояло,
Ветром весенним
Ветви трепало.

Юн тонкокорый
Ствол без царапин..
Гибели скорой
Натиск внезапен.

Хлынули тучи,
Стало уныло,
Страхом измучен
Пасынок хилый.

Внемлет он резкой
Ветра угрозе.
Все перелески
Грянулись оземь.

Черное, злое,
Рушась на гору,
Небо с землею
Начало ссору.

Вот буревое
Небо крутое
Носится, воя,
Над сиротою.

И сиротину
Молнии сила
Наполовину
Укоротила.

Видит увечья
Черная туча.
По-человечьи
Слезы горючи...

Что уцелело?
Бьющий поклоны
Кол обгорелый –
Ствол оголенный!

Сел на жердину
Ворон угрюмо,
Червь сердцевину
Гложет без шума.

Между 1911 и 1915