МÆ БÆЛДИТИ КУРОЙНÆ
Нæ фæдтæн мæ дзубандитæ конд,
мæ зартæн сæ уæрдун нæ рахъан æй,
мæ фунтæн сæ исон æригъал æй
тар æхсæви, цума, сæумигон.
Мæ бæлдити куройнæн æ пернæ
æнæсцохæй зелуй кумæдæр,
нæ ин ес æрæллау æппундæр,
фал ин ес зæрди нез æгæр берæ.
æй уомæн æнæкæрон æ уарзт,
уоди арви зелунцæ цæргæстæ,
хор цæуй сæ зелдохи æнвæрстæ,–
куд неке си фæууа базурсаст.
Фал хезуй мæ сæрбæл уорс уæлитæ,–
уоди будур иссæй син унгæг.
Ампъезгай æрцæуй сæ зумæг
мæ дзубанди, мæ зар, мæ бæлдитæн...