МЕ ‘РХУНТИ БÆЛАСÆ
Æй ме ‘мдзæвгæ мæнæн дзæгъæл куй,
Æ ниммæлун хуæздæр;
кæд ме ‘рхунти бæласæн кæлуй
Æ зæрийнæ сифтæр.
Æй мæ хай хъурмæ зари амонд,
тухорæд цæстисуг,
кæдмæ ма‘й, кæдмæ ма‘й уорамон,
Æнæбари ‘й финсун.
æнæфинст финсуйнæгти æргъом
æвдирздзæнæй мæ уод,
мæ геунбæл кæндзæй æнагъом
соцъа уадæ æскъот.
‘Ма финсдзæн... зæрди форди уолæн
уорамун нæ зонгæй...
Кæрæдзей æстæфун нæ зонæн,
æстæфунгъон уогæй...