* * *
Л-йæн
Æз дын дæ цæстысыг æруидздзынæн цæппузыргай,
мæ уды æндахыл сæ бакæндзынæн хъавгæ
æмæ сæ хъаггæндзынæн авгау...
æмæ-иу искуы æз куы бафæлмæцон дард балцы,
уæд-иу дæ цæссыгтæ дзæнгæрджытау цæгъддзысты
æмæ мæ ныфс цырын кæндзысты...
Уæд-иу мæ зонгуытыл æрлæудзынæн сæ разы...
Сæ æрвон азæлдмæ-иу хъусдзынæн æрмæстдæр...
Дæу уыдон бакодтой цæрмæстыгъд...
æз дын дæ цæстысыг æруидздзынæн цæппузыргай...
æмæ-иу искуы æз куы бафæлмæцон дард балцы...
Уæд-иу мæ зонгуытыл æрлæудзынæн сæ разы.