ДÆ ЦÆСТИТИ ГЪАР
Дæ цæститæн ку ссодзуй сæ гъар,–
хори тумбул тайуй ехи къæрттау,
сæнт сау мегъи æмбохгæ æргъау
уорс цæгатмæ ледзуй къуæрдтæ-къуæрдтæй.
Цъæх кæрдæг ислæборуй зæнхæй,
ивазуй дæ идзулдмæ æ цæнгтæ.
Æд едæгтæ цума, истæхдзæй,
Æд æцæгтæ.
Борæмæлгъау дедентæ æваст
минмурон цъæхснаг зар исесунцæ,
дæ идзулди дуйнемæ сæ уарзт
сæ тæнбазур къохтæй æрветунцæ.
Æздухсуй дæ дзиккой арф кæлæн,
фæндурау мин ме ‘рхунтæ райхалуй,
дæ идзулди бæрзонди мæнæн
кæд ме ‘цæг исаргъау уй...
Дæ цæститæн ку ссодзуй сæ гъар,–
ехи къæрттау тайуй мæ хъурдохæн.
Дæ цæхæрæн исун æ цагъар,
мæхе имæ нинтъохун...