МÆ СОНТАДÆ
Изæддон арв кæнуй æрмидолтæ
кæлæн арти хъуæци дирзæг армæй...
Мæ сонтадæ адтæй фури гъолау,–
нур рæхцуй пурх къела мæ колдуармæ.
Кедæр уесойнæбæл курмæ бастæй
мæ уесин бæх кæуй... æ хецау дæр...
Æмæрхун кæндзинан нæ фуруарзтæй,–
ци ма уа гъе уомæй æверхъаудæр.
Цæй æрцо-ма еу хатт, мæ сонтадæ,
зелгæдунгау мæ рæзти ракафæ,
дæ фæлмæн къохти урзæй, мæ радæ,
мæ сæрæй æвзест гъунтæ радавæ.
Цæй, æрцо-ма еу хатт æнæнгъæлти
хъоппæгцæстæй æма бæгъæмбадæй...
Изæддон арв ниццæй æрмидолтæ
кæлæн арти хъуæци дирзæгадæй...