* * *
Æртивæрæй федунмæ дæ зинтæ,
Рæсугъд цардмæ дæуæн – бæлдзæнæн;
Тæмæнкалгæ дуйнейæй лæфинттæ
Æз де ‘рвон къабайæн кæрддзæнæн.
Агордзæнæн дæуæн уоди ‘нцойнæ,
Нæ ергæй, Хуцаумæ дæр ковдзæн;
Зумæгон сау бурдæнти уесойнæй
Иронхуатмæ де ‘рхунтæ сордзæн...
Цард цæуй æнæрлæугæ зелдохи,
Лæмæгъ уодтæй изолти хæтуй,
Гурумухъ тухи нихмæ карз тонхи
Гæрзефтонгæй абони истуй...
Кæд æз дæр еци тонхи дæуæн
Мæ цирен уод нивонд кæндзæнæн.