СЫРДОН СОСЛАНИМÆ ЦÆМÆН ФЕЗНАГ ИС
Иу хатт куы уыдис, уæд гæды Сырдон
Мысанæн йæ фырты æрæвæрдта, зæгъынц,
Æрæвæрдта æмæ нартмæ куы дзуры:
«Кæд æмæ мæ фырты фатæй фæцæф кæнат
æмæ йæ амарат, уæд мæ ницы хъæуы;
Кæд æмæ йæ фатæй нæ фæцæф кæнат
Æмæ йæ н'амарат, уæд мын хæдзарæн гал
Куыд раттат, афтæ. Гъе уый уын мæ дзырд».
— Хорз, афтæ фод,— зæгъгæ, нарты фæсивæд
Æхсын байдыдтой Сырдоны фырты.
Алы бон дæр æй æхстой, фæлæ йын
Фæцæф кæнынæн ницы фæрæзтой.
Бирæ бонтæ йыл куы фæтухæн кодтой,
Æмæ йæ уæддæр куы ничи къуырдта,
Уæд сыл Гæтæджы фырт худæгæй мардис;
Йæхи цæттæ кодта хæдзарæн гал исынмæ.
Уалынмæ, дын, зæгъы, нарты Сослан дæр
Кæцæйдæр фæзындис нарты Хъазæн фæзмæ,
Нарты фæсивæд Сосланы куы федтой,
Уæд, дын, йæ размæ разгъордтой æмæ йын
Хъуыддаг радзырдтой, стæй æмхуызонæй
Сосланы алыфарс æрбалæууыдысты
Æмæ йæ сусæгæй, Сырдоны сусæгæй,
Сырдоны фыртмæ æхстбæрцмæ бакодтой.
Сослан фæхъавыдис Сырдоны лæппумæ,
Фæхъавыдис æмæ цыргъвындз фат ауагъта.
Сосланæн йæ фат æндæр æхситт кодта:
Сослан кæй фæзынд, уый Сырдон базыдта,
Базыдта, фæлæ ма цы гæнæй уыдис?—
Сосланы фыццаг фат, — дæ балгъитæг афтæ —
Дзыхъмард фæкодта Сырдоны лæппуйы.
«Дæ хуыцау дын æй макуы ныббарæд!
Уымæ мын хъавыдтæ æмæ йæ бакодтай»,
Дзуры Сырдон уæд нæрæмон Сосланмæ.
Цы гæнæн ма уыдис Гæтæджы фыртæн, —
Бацыдис, зæгъы, йæ хъæбулы мардмæ;
Бирæ йыл фæкуыдта, стæй йæ бавæрдта
Уазал ингæны, уæдæ цы уыдаид.
Уæдæй фæстæмæ Сырдон Сосланмæ
Кæсын байдыдта æзнаджы цæстæй.
Нарты кадджытæ — ирон адæмы культурон хæзна Ацæмæз æмæ Насран– Æлдар Ацæмæз æмæ Агуындæ-рæсугъд Сырдоны райгуырд Нарты Балц Фæндыр куыд фæзынд Сырдон Нарты куыд асайдта Сырдон Уæйгуыты куыд фæсайдта Сырдон йæ мæрдтæн хист куыд кодта Дæ тын дæ къух ссардта Сырдоны Тохъылы æргæвст Сырдоны мард Æхсар æмæ Æхсæртæджы райгуырд Нарты Фæткъуы Дзерассæ-рæсугъд Æхсар æмæ Æхсæртæджы мæлæт Уырызмæг æмæ Хæмыцы райгуырд Уырызмæг æмæ Хæмыц Уæрхæджы куыд ссардтой Сатанайы райгуырд Сатана Уырызмæджы ус куыд сси Уырызмæг Сатанайы йæ цæгатмæ куыд æрвыста Уырызмæджы æнæном лæппу Уырызмæг æмæ Сохъыр Уæйыг Уырызмæджы фæстаг балц Бæгæны куыд фæзынди Сосланы райгуырд æмæ байсæрын Дауджыты лæвæрттæ Сосланæн Сослан – Тыхагур Сырдон Сосланимæ цæмæн фезнаг ис Сослан Бедухайы куыд æрхаста Сослан Сатанайы зындоны цадæй куыд фервæзын кодта Сослан Косеры куыд ракуырдта Сослан мæрдты бæсты Сосланы мæлæт Хæмыц ус куыд ракуырдта Батрадзы райгуырд Батрадзы денджызæй куыд расайдтой Батрадзы хъæзтытæ сывæллонæй Хæмыцы фырт Батрадз æмæ Деденæджы фырт Арæхдзау Нарты Батрадз æмæ Хъулонзачъе Уæйыг Батрадз йæхи куыд байсæрын кодта Батрадз Уырызмæджы куыд фервæзын кодта Батрадз æмæ Тыхы Фырт Мукар Батрадз æмæ Сохъыр Уæйыг Æфсæроны фырт Алæф Батрадз æмæ Сохъыр Уæйыг Æфсæрон Батрадз Нарты Гуыппырсарты куыд фервæзын кодта Батрадз Сосланы куыд фервæзын кодта Батрадз æмæ æлдар Батрадз æмæ нарты Уацамонгæ Нарты симд Батрадз Нарты Дзуары куыд фæнадта Нарты æмбырд Хæмыцы мæлæт Батрадз йæ фыды туг куыд райста Батрадзы мæлæт Нарты Сау Рувасдзарм Æхсæртæггаты æмæ Борæты хæст Нарт æмæ Уæйыджы стæг Айсана Сатанайы лæппу Уæрхтæнæджы фырт Нæртон Сыбæлц Бедзенæджы фырт чысыл Арæхдзау Сæууай Уастырджи æмæ Нæртон æнæфындз Мæргъуыдз Нарты сæфт ДзырдуатНартские сказания на русском языке