Кæддæр сæрæн цуанон уыдис,
Фæкодта саг-сырдты æвæстаг,
Фыдмонцæй нал зыдта æфсис,
Уæддæр æрцыбыртæ йæ рæстæг.
Уæд разынд иу нæл хуы хъочах,
Йæ риу ын йе ссыртæй ысфаста...
Уæдæ цæй фыдран фестæм мах,–
Дæ мад нын сау кæлмытæ схаста.
Уыдтæ кæрæф цуанон ды дæр,
Цыдтæ æд бал-бирæгъ æвзыгъдæй.
Ызгъæлд дæ хæтæлæй цæхæр,
Мамайау тарст адæмы стыгътай.
Нæ зыдтай тугмонцæй хатыр,
Лæгтæ дзæбидыртау фæлдæхтæй...
Æрцыд уæ сæфты сахат ныр,–
Лæууынц уæ сау мæрдтæ рæдзæгъдтæй.
Дæ фыд цæуыл нæмы йæ сæр?
Дæ мад цæмæн бафтыд йæ рустыл?
Хæцаг у сау кобрæ,– уæддæр
Æнæмæнг бамбæлы мангустыл.
1997 азы 24 октябрь