Дæ рухс къæсæрыл дард балцы куы цæуай,
Нæртон фарн хæсс дæ ныхыдзуары уæд,
Дæ рахиз фæрсты Уастырджи цæуæд,
Сæрыстыр у дæ ир æмæ дæ хъæуæй.
Дæ хæлæрттимæ макуы схæц быцæуæй,
Дæ зæрдæ уæд нæ фыдгултæн æхгæд,
Цы кусай, уый дæ намысджын кæнæд,
Дæ тых, дæ зондæй дзыллæты куыд хъæуай.
Нымад у рæстæг. Кады балц фæцис,
Ныр дзагармæй дæ хæдзармæ ыздæхыс,–
Уæ рухс къæсæрыл ног фарнимæ хиз,
Уæ къонайы фæрныгæй фен уæ рæхыс,
Ныууадз æддæ фыдбылыз æмæ низ,
Æдзухдæр уæд уæ Сæрзæды харæ хыз.
1994 азы 8 август