Де ‘гъдæуттæ – æмтъеры,
Хинтæ дыл кæлынц.
Рындзы сæр дын – херы,
Хъеллау дæ кæнынц.
Хотыхтæн сæ гуыр-гуыр
Арвнæрдæй фыддæр,
Афтæмæй – мæгуыргур,
Калынц дын къæбæр.
Нард ысты дæ фæзтæ,
Къæбиц та – къуыввитт.
Тугцъиртæн дæ хæстæ
Цоты тугæй фид!
Зæхх кæны æмдзеллау,
Херыбос – æвзыд...
Хъеллау, уæдæ, хъеллау,–
Хъазæн бон æрцыд.
Ехх, мæ бон, Уæрæсе,
Састсыкъа, æлвыд...
Рындзы сæр гæрæзе
Баззайæд æвыд!
1993 азы 6 ноябрь