Тар æхсæвы тар фынтæ уынын,
Знæгтæ мыл æртыгуыр ысты комы.
Бардзы æз цым лæдзæгæй нæмын,
Нæй, уæддæр мын басæттын нæ комы.
Систон сæ ливорæй уæд æхсын,
Лæг зæгъдзæн, сæдæтæ дзы фæмард и.
Мæнæ диссаг! – ме знагмæ кæсын,
Сæмбæлы йæ зæрдæсæрыл уарди.
Дары уый йæ фæтæн риуыл сырх,
Уарди уым къуыбар дидинæг калы.
Арвы цæссыг кæрдæгыл ныппырх,
Фесхъиуы мæ къахбынæй ыстъалы.
Нал æнтысы лидзын дæр мæнæн,
Талынг фыны рухс хъуыды нæ бæззы.
Ох, мæ бон, хъаймæты ран фæдæн,
Абадт мыл хъуынджын хæйрæгау пъæззы.
Дуне уыд æхсыры цадау уæд,
Сайдта мæн хæтæг цырагъ йæ фæстæ.
Фестад пъæззы уыцы афон зæд,
Æмæ байдзаг хъæлдзæг рухсæй бæстæ.
1995 азы 21 февраль