Фæндагыл амардис дæ бæх,
Æккойæ уæд æрхæсс дæ уæргътæ.
Кæд дыл нæ ракалдис къæдзæх,
Уæд зон: нырма, хъонагъ, дзæбæх дæ.
Кæныс фæрныг лæгæн хæдзар,
Дæу цардмæ чи уадзы æмгæрон!
Фыдлæг – йæ амондæн æлдар,
Уæгъуыр – йæ хъысмæтæн кæйдæрон.
æртыдта арвы цæф дæ цар,
Фыдгулæн баззадис дæ уæзæг,–
Ыскæн уæд иу дуры сæр арт,
Рæдау – лæвар хæрзтыл нæ фæззæг.
Дæ уавæр макуы схон æвзæр,
Цæрыс, уæд арфæ кæн дæ цардæн.
Уырнæд дæ, нал вæййы фыддæр
Æрмæст æррайæн кæнæ мардæн.
1996 аз