ХÆХХОН КÆСАГ
Æнусон цъитийы хъæбысæй
Дон,
арвæй рахаугæ рæхысау,
Цъæх их-цæмтæ
Æмæ фынк хæсгæ,
Кæм хауы
арф комы хъæлæсмæ,
Æдзæм цæндтæй кæм бадынц мигътæ,
Уым —
Ихсыд айнæджы къæй тигътыл
Æмæ тызмæг уылæнты здыхсты —
Дæ фæрстæ тугхъулон куы сысты,
Уæд цъити-бæрзæндтыл цы сгарыс?
Дæ уд цыхцырджытæм цы хъарыс?
Дæ зæрдæ ног рæттæм æхсайы?
Æви дæ мигъты риумæ сайы
Æнцонæй цард?
Æви нæ зоныс:
Кæй сæфы уылæнтæн сæ хъомыс —
Кæм феуæгъди дон комæй фæзы,
Æмæ
Æнцад мæлттæй кæм лæсы,
Уым ставдбыл хуыдзых
æмæ тъепа
Кæй кæнынц удæнцойæ
лекка?..