Уый уыд фæсхæст.
Хæмпæл ныккæнды фæрсты
Зылд халасбæх, хуыррыттытæгæнгæ,
Дзырдта мæ фыд цæйдæр тыххæй йæ хъæстаг:
«Лæг кардхæстæн нæ райгуырди, бæргæ!..»
Дымгæ мигъты арвы риуæй марзта,
Æрдæгсыгъд стъалы ратахти ныллæг,
Æз тарбынмæ хъуыдытæгæнгæ кастæн:
«Уæдæ, цымæ, цæй тыххæй райгуырд лæг?»
Мæнмæ зынди,
Цыма сырх мæнæу тауынц
Ирон зиууæттæ æврæгъты æхсæн,
Æмæ хуыссы тæмæнкалгæ фæсауæдз
Æрдæгкъахыр мæй — хуымæй ист æфсæн...