Нæ сырдты къордæн
Сæ егъау хъоргъы
Фæсаууон хордта
Цыдæр сæ холы.
æмæ тыхстысты,
Цыдысты 'нкъардæй.
Фæлмæцыдысты
Æдзух сæ цардæй.
Фæлæ сын, семау,
Уæд загъта бур арс —
Кæй цæры семæ
Тындкъæдзил рувас.
«Хъæуы дæу марын!
Ды дæ нæлгæндыс.
Нæ хæлар цард нын
Æдзух ызмæнтыс!..»
Фыдгæнæг иуварс
Мæстæй нынниуы:
«Нæ дæн æз рувас!..
Æвдисæн чи у?!»
«Цы фæрсыс искæй,
Зæгъ-ма, цы фæци
Дæ мæнг æвдисæн,
Дæ хъуынджын къæдзил?
Кæй карк рахырхтай,
Зæгъ-ма, кæм уыдтæ —
Куы рарæмыгътой
Дæуæн уый куыйтæ?
Ды дæ ныр къуда,—
Къæдзил дын нал и,
Дæ мæнгард уд ма
Æгæр дæр царди!» —
Зæгъгæ, йын загътой
Æмдзыхæй сырдтæ
Æмæ дзы 'рсагътой
Сæ цыргъ ыссыртæ...