Æз, сыгъдæгæй, дзывылдарæн федтон
Уалдзæджы фыццаджыдæр йæ базыр, –
Ис æдзух фæндаггон хызын ме 'ккой,
Фаг мæ сæр нæма схъарм и мæ базыл,
Ома æз бæсты фарны сæраппонд
Стыр диссæгтæ скæнынхъом нæма дæн,
Фæлæ дæн æппынæдзух фæндаггон,
Нæй мæнæн зæрдæнцойæ æрбадæн,
Цыма дæн раст царды фынгыл дзагдар,
Æмæ рæгъ, бæркады рæгъ нæма 'рзылд...
Æз, сыгъдæгæй, уалдзæджы фыццагдæр
Дзывылдарæн ауыдтон йæ базыр...