Дæу, царды цин, æз ахæм уысмыл радтин,
Цæмæй лæгæн уон баххуысхъом йæ тыхсты,
Уый федта арв, уый хуыцæуттимæ бадти,
Фæлæ нæ фæтарст тигъæлвæст рæхыстæй.
Нæ, уый тыххæй нæ ныллæууыди давæг,
Нæ уыд, фыццаг арт, уый тыххæй дæ бандзæрст,
Цæмæй дæм лæг йæ æфсæст хъæбыс тава
Æмæ йын уадза алайы тæф артдзæст.
Нæ, уый фæндыд, куыд уына лæг йæ развæд,
Куыд судза, куыд, цæхæр артау йæ зæрдæ,
Куыннæ кома рæстыл тохы æртасын,
Куыннæ хæсса лæгъстæйæ цард йæ сæрмæ.