logo

М О Я    О С Е Т И Я



БОЦИТЫ Юри
поэт
(1931—2009)

ТОППЫХОС
Топпыхос цы тæф кæны? —
Бæллæхы.
У йæ фæздæг урс мæрддзагау урс.
Сонт гæрæхтæ...
Риуыл хæцгæ зæххыл
Лæг æрхауд æвиппайды,
Ныхъхъус,
Сау зæххимæ сиу уыдзæн æнусмæ.
Сæрыхъуынты иу урс дæр нæ уыд —
Саусæрæй уый саумæрмæ фæцыд.
Кæс йæ мадмæ,
Иннахæм — йæ усмæ:
Се ’рдиаг, сæ судзгæ марой хъуысы,
Сæрыхил æнафоны
Ысурс и...
У йæ фæздæг топпыхосæн урс,
Урс мæрдцзагау, мады сæрау — урс.

 

* * *
О, уарзæтты тæмæн-цæстытæ... Махæй
Кæй нæ батавтой, иувæрсты кæд ахызт
Æцæг поэт? Нæй иунæг уд дæр ахæм,
Кæмæн нæ уыд æвдадзы хос сæ ахæст.

У уарзондзинад удхæссæг, тæссаг низ.
Йæ ныхмæ лæууын а зæххыл кæй бон у?
Нæ зонд нын дзуры иудадзыг: хи бахиз!
Нæ зæрдæйæн та уарзты рис æхцон у!
* * *
Фæуром зарæг,
Не ’мбæлы нырма:
Нæ бонтæ, акса, — тар æмæ æрхæндæг.
Нырма хъыгæй нæ зæрдæтæ — къуырма,
Нæма æрзадис ингæныл нæугæрдæг.
Фæгæдзæ уал кæ,
Бауром дæ зарæг:
Нырма уынæргъы риуы тарфы хъарæг.
Æркæс дæ къухы нуазæнмæ —
Нындзыг
Æртах йæ фарсыл,
Раст цыма цæссыг.

 

* * *
Фыййауы райсом. Æнæнцой ирдгæ —
Тылиф-мылифтæ нæ хæхты ирдæй.
Цъæх цатыры бын — мæ уат, мæ уæрдон,
Уæларвбæсты та — мæ бæллиц-фæндон.
Мæ фыстæ хилынц хæххон уистæгтыл.
Мæ фæрсты зилынц сæууон диссæгтæ.

 

* * *
Уæдæ цы хорз у,
сусæны мæй хæхты
Къæйвæндæгтыл куы бастайой дæ къæхтæ.
Тыхтæ-фыдтæй куы бахæссай дæ изæр
Дæ цатырмæ,
куы æруадзай дæ уæргътæ
(Дæ риуы нæй хæдзары мæт дæр,
рис дæр),
Дæ лыстæныл æрæвæрдтай дæ фист сæр,
Æрфынæй дæ ызнæт арвы гæрæхтæм.

 

* * *
Ирдгæ, ирдгæ,
хивæнд ирдгæ...
У хъандзалæлвæст, хъæддых.
Сагъуыд рæгътыл,
кафы фæзты —
сцæвы айнæгыл йæ ных.
Ам, Гвилеты, мигъты суры,
цыма стонг бирæгъ фысты,
Нæй ныхмæлæууæг, цæлвдуртæ,
æмæ сæлдар и бæстыл.
Уасыд цатырты изæрмæ,
фæлæ сау æхсæв æртахт,
Æмæ ирдгæ дæр фæдæлдзæх,
айсæфт уайсахат йæ загъд.
Æрдз — æнæсыбыртт, æгуыппæг,
зилы дунейыл хæрзфын.
Арвы тарцъæхы æппары
стъалы стъалымæ йæ тын...
Уалæ скæсæн дæр æрбарухс,
æмæ ирдгæ сыстад ног.
Ехх, æгæнон, ехх, нæрæмон,
систа мин базыры рог,
Исы рох мæсгуытæ, хъæдтæ,
исы — йе уæнгты тых и,
Кæмттæ, цъититæ, Бæрзæфцæг —
алцы бакодта йæхи.

 

* * *
Сæ фæллад уадзынц дыууæ вулканы,
Дыууæ уæйыджы,
дыууæ титаны.
Æфсæн такатæ æндзæвынц арвыл,
Сызгъæрин хур сыл йæ тынтæ уафы.
Гуыппырсар гуырдтæ, æхсонриу лæгтæ —
Сæна ’мæ Эльбрус —
нæртон фæтæгтæ.
Сæ алывæрсты — дæлдæр-уæлдæртæ —
Æрлæууыдысты æнгом
æндæртæ:
Бæрзонд бæстæйы гæрзарм æфсæдтæ,
Æд уарт, æд фæттæ — æрдхорд-æмгæрттæ.
Нылхъывтой фидар кæрæдзи æрмттæ:
Уæнт авд дæлдзæхы тыхми, хæрæмттæ!

 

* * *
Сау у, сау у, сау у хъæд,
Асæст æй æмбæрзы.
Арв дæр сау мигътæй — æхгæд,
Мигъты мит æмбæхсы.

Бæстæ у цыма мæрдджын,
Сауæй зæхх — йæ хъуырмæ.
Багъæц, урс мит ын рæхджы
Бамбæрздзæн йæ хъылма.

Удыл — сау тæлмытæ, сау
Сонт митæй, дæ бустæй.
Хай нын не скодта Хуыцау
Бонты фарнæй, рухсæй.

Хъæдыл, раст цыма пъæззы,
Сау асæст æрбадтис...
Рæстæг урс митау рæаджы
Бамбæрздзæни сау рис.

 

НОГБОНЫ ÆХСÆВ
Б. О-йæн
У Ногбон. Дзаг нуазæн-ма сис —
Ызгъалы сæн зынг-цæхæр.
Дæуæй нæ зонын æз æфсис,
Дæн ацы ’хсæв дæ цагъар.
Дæ каст, дæ ныхæстæ, дæ худт
Мæн — гъæй-джиди! — æрцардтой.
Тæхы дзæнæтбæсты мæ уд,
Цыма фæцух дæн цардæй!
Ныссæрф дæ цæссыгтæ, фæраз, —
Уыдзæн кæрон дæ зынæн!
Мæнæн кæдмæ уай ды æгас,
Уæдмæ æз дæр цæрдзынæн!

 

ТЫЗМÆГ
Пансионат «Аудæн»-ы сæйраг дохтыр
Цыбырты Л. А-йæн
Поэтæн алцыппæт дæр — зонгæ.
Уырны мæ фидарæй, уырны:
Уьщтæ кæдцæрты амазонкæ,
Ныр дæр æй де ’нгасы уынын!

Дæ хуызы бацыдис Амагæ.
Æрвылбон тохы дæ, хæсты:
Æнаккаг, сау удтæн ызнаг дæ,
Тыхсыс æдых æмæ рыстыл.

Уæу-уау, цы зын дын у нæ дуджы! —
Фыдлæгтæ байтыдтой фыдæх.
Дæуæн та фарны тын — дæ туджы,
Бæллыс: куы фервæзид нæ зæхх.

О ассты уаз æхсин Амагæ,
Ды фурдæн йе ’рфыты цæуыс.
Дæ кадæй, де ’фсармæй, дæ уагæй
Ды махæн удлæууæн дæ, ныфс.

Æмæ кæд бакастæй тызмæг дæ,
Уæддæр æвидийгæ — дæ рухс.
Фæлмæн, зæды хуызæн, дæ зæрдæ.
Фæцæр нын афтæмæй æнус!

 

* * *
Ма нуаз,
Ма дым,
Устытæм дæр ма кæс,
Ма улæф,
Дæ монцтыл хæцын зон...
Иу ныхасæй, базон, дам, дæ бон:
Уды рифтаг фалдунемæ ахæсс!

Нæу уæззау — æхсæз мисхалы ’рмæст,
Арвы бар æй бакæн,
Æмæ зæдтæн
Семæ хъаза бархийæ —
Цæргæс!
Нал у рохбаст, аскъуыдис йæ бæттæн!

Сау адæм дæр, хицæуттæ дæр нал и,
Нæй хъыгдарæг, уромæг, цæлвдур,
Нæй хæрæмттæ,
Раст лæг æмæ галиу.
Ам æрмæстдæр — Уарзондзинад-Хур.

Нæй дзы катай,
Уайдзæфтæ,
Ныхæстæ,
Нæй дзы ’хсæв — æгæрон рухс æрмæст.
Дун-дуне — дæ хъазæнуат,
Дæ бæстæ,
Иу стъалыйæ иннæмæ — пæррæст!..

 

Хъодзаты, Æ. Исчи : æмдзæвгæтæ, тæлмацтæ / Хъодзаты Æхсар. – Дзæуджыхъæу : Ир, 2017.

Евангельские притчи. Лука.

Русская литература
     Агатов В.Г.
     Алехин В.
     Бунин И.А.
     Гаршин В.М.
     Гоголь Н.В.
     Державин Г.Р.
     Есенин С.А.
     Заболоцкий Н.А.
     Исаковский М.В.
     Иртеньев И.М.
     Корнеев Н.
     Короленко В.
     Кудашева Р.
     Лермонтов М.Ю.
     Минаев Д.
     Михалков С.
     Некрасов Н.
     Ножкин М.
     Примаков Е.
     Приходько В.
     Пушкин А.С.
     Рождественский Р.
     Тарковский А.А.
     Твардовский А.Т.
     Тургенев И.С.
     Тютчев Ф.И.
     Толстой Л.Н.
     Токмакова И.
     Харитонов В.Г.
     Цветаева М.И.
     Чехов А.П.
     Шаламов В.Т.
     Шолохов М.А.
     Щербин Н.
     Языков Н.М.


Зарубежная литература
       Австрийская
       Американская
       Английская
       Афганская
       Белорусская
       Венгерская
       Индийская
       Ирландская
       Испанская
       Итальянская
       Китайская
       Корейская
       Латвийская
       Латинская
       Немецкая
       Норвежская
       Персидская
       Польская
       Турецкая
       Французская


Литература народов Кавказа
      Абхазская
      Армянская
      Балкарская
      Грузинская
      Дагестанская
      Кабардинская


Литература народов России
      Марийская
      Мордовская
      Татарская


Осетинская русскоязычная литература
       Боциев Ю.
       Гуржибекова И.
       Кануков И.
       Хетагуров К.
       Цаликов А.