Французская классика
Французаг классикӕ. Ӕнӕном автор
Ӕнӕном авторӕй
***
Гаскойнаг систа загъд-замана, хъӕр:
«Балеты кафын бауадзут мӕн дӕр!» —
«Нӕ сарӕхсдзынӕ,— балетмейстер загъта,—
Ӕгӕр нард дӕ, цӕмӕн дзы хъӕуы загъд та?!» —
Дзуапп радта лӕппу: «Ставд дӕн, уымӕ ма кӕс,
Ӕппындӕр ма ды ууыл ма кӕн сагъӕс.
Хӕрзхуыз дӕн, о, фӕлӕ цӕрдӕг мӕн хуызӕн
Дыккаг ахӕм сымах ӕхсӕн нӕ уыдзӕн.
Хӕрдмӕ мӕхи куы фехсон, уӕд мӕ бон
Фӕллад уадзын у уым ӕнӕхъӕн бон!»
Ӕнӕном авторӕй
ЭПИТАФИЯ АПТЕКАРЮ
Здесь тот почиет, кто всю жизнь без лени
За грош вставал пред задом на колени.
АФТЕЧЧЫ КУСӔДЖЫ ИНГӔНЫ
КЪӔЙЫЛ ФЫСТ
Эпиграмма
Ам чи хуыссы, у уымӕн мӕр йӕ баз
(Иӕхимӕ гӕсгӕ ницӕмӕй уыд цауд)...
Капеккыл-иу кӕйдӕр фӕстаджы раз
Йӕ зонгуытыл зырзыргӕнгӕ ӕрхауд.
Ӕнӕном авторӕй
Эпиграмма
Цыргъзонддзинады дуг фӕцыдӕр кодта чи?
Ӕппӕты фыццаг ӕрдз, ыстӕй та уӕд Парни1 .
Перевод Музафера Дзасохова
См.: Дзасохты М. Адӕмы цӕст / Дзасохты Музафер.- Цхинвал-Дзӕуджыхъӕу : Цыкура, 2016.- Ф. 285–286.
Дзасохов М. Глаз народа : [стихи, переводы].
1 Эрнст ПАРНИ (1753—1814) — ӕрӕджиауы классицизмы поэт, аив эротикон ӕмдзӕвгӕтӕ ӕмӕ галантон-мифологон новеллӕты автор. Йӕ поэзийӕн стыр аргъ кодтой XIX ӕну сы райдайӕны уырыссаг поэттӕ.