М О Я    О С Е Т И Я



Гейне Генрих
немыцаг поэт, публицист æмæ критик
(1797 – 1856)

 

 

Уарзæгой  уд

                * * *
Æрдæгæхсæв. Уазал. æмыр.
Æндзыг хъæды зилын æз ныр.
Фæсырдтон æнафоны бæлæсты фын.
Æнкъуыстой сæ сæртæ, æмбæрстой мæ зын.

* * *
Кæрæдзи дыууæ уды уарзтой.
Фæлæ йæ нæ ракодтой хъæр.
Æргомæй хæрамы гакк хастой
Кæд арты сыгъдысты, уæддæр.

Ызнаг ма кæм уыдта ызнаджы,
Кæд искуы йæ фынты, æндæр.
Уæлхъæдæй мард баисты раджы,
Нæ бамбæрстой хабар уæддæр.

                * * *
Куы фæцæйцæуын райсомæй
Дæ хæдзары рæзты,
Куы мæм ракæсыс рудзынгæй,
Уæд нал вæййын мæсты.

Мæн, сауæрфыг, дæ цæстытæй
Цымыдисæй фæрсыс:
«О, чи дæ ды, æцæгæлон,
Цы стыр мастæй тыхсыс?»

Поэт, поэт дæн немыцаг,
Фыдызæххыл зындгонд.
Куы-иу мысой лæгау-лæгты,
Нæ уыдзæн рох мæ ном.

                * * *
Нæ зонын, цæй аххос уыдзæнис,
Æз афтæ æрхæндæг кæй дæн.
Фыдæлтыккон аргъау цæрдзæнис
Мæ сæнтты æнусмæ мæнæн.
Фæуазал ис уæлдæф. æризæр.
Фæсабырдæр Рейнæн йæ лыгъд.
Æрттивы уæд хохы зæрин сæр, –
Зæрæхсид йæ тигъыл ыссыгьд.
Æрдхæрæны сау рæсугъд бады,
Уым айнæг къæдзæхыл бæрзонд.
Зæринхуыз дзыккутæ æрфасы,
Дзæнхъатæ йæ хъуырыл. Хæрзконд.
Зæриндзыкку – хуры рæутынтæй...
Йæ зарынмæ батайы их.
Уæздан зæлтæ – уды рæбынæй, –
Сæ кæлæнæй æрдз дæр ныджджих.
Фæтæры йæ бæлæгъ лæппулæг,
У зарæджы уацар йæ уд.
Гæдыхъæдау ризы, мæгуырæг,
Цæй айнæг ма хаты, цæй фурд!

                * * *
Сæ мæстæй мæ зæрдæ ныддæнгæл,
Мæлæтæй фæлурсдæр ныддæн.
Уыдтой мæнæй иутæ сæ уæнгæл,
æз иннæты уарзтæй тыхстæн.
Къæбæр мын хъæстæйæ лæвæрдтой,
Мæ нозтыл мын кодтой сæ марг.
Мæн иутæ сæ уарзтæй фæлвæрдтой,
Мæн иннæтæ схуыдтой ызнаг.
Кæй уарзтон æппæтæй тыхджындæр,
Кæй тыххæй фæрысти мæ уд.
Гъе уый мæн нæ уарзта æппындæр,
Мæ кой йæм æппындæр нæ уыд.

                * * *
Сонт уд – уарзæгой, Хуыцау у,
Уарзæг æй кæд нæй, уæддæр.
Хатт æнæдзуаппæй фæуарзæм,
Мæнæ раст цыма сæлхæр.

æз сæлхæр фæдæн мæ гуырцæй,
Ног, мæнгард уарзтмæ бæллын.
Арвы стъалытæ мыл худынц,
Семæ худгæйæ мæлын.

                * * *
Уыд иу паддзах – зæронд лæг,
Тызмæг, йæ сæр –  хæнтурс.
Бецау паддзах, – зæронд лæг,
Хæрз æвзонг та – йæ ус.

Уыдис ма афтæ паж дæр,
Рæсугьд лæппу, тæлтæг.
æвзонг æхсинæн хаста
Йæ зæлдаг шлейф цæрдæг.

Ды рагон зарæг зоныс?
Йæ зæлтæ – рухс, æнкъард.
Мæлдзысты дыууæ 'взонджы –
æгæр уыдис сæ уарзт.

Немыцаг æвзагæй
Санахъоты Юляйы тæлмацтæ.

// Мах дуг.– 2004.– № 3.

Зарубежная литература         Австрийская
       Американская
       Английская
       Афганская
       Белорусская
       Венгерская
       Индийская
       Ирландская
       Испанская
       Итальянская
       Китайская
       Корейская
       Латвийская
      Латинская
       Немецкая
       Норвежская
       Персидская
       Польская
       Турецкая
       Французская


Евангельские притчи. Лука.

Русская литература

Литература народов Кавказа:
       Абхазская
       Армянская
      Балкарская
      Грузинская
      Дагестанская
      Кабардинская


Литература народов России
      Марийская
      Мордовская
      Татарская


Осетинская русскоязычная литература
       Боциев Ю.
       Гуржибекова И.
       Кануков И.
       Хетагуров К.
       Цаликов А.