Зæй
Фæудаист арв дæр.
Гуыр-гуыргæнгæ рацыди зæй —
Кæдмæ лæууа тигъыл, æхстæввонгау, бастæй?
Нæй зæйæн æрцахсæн, æруромæн нæй:
Сæнтурс адзал сафы —
Цы фæвæййы разæй.
Ыстымбыл и митуылæн — тондзæни хох
æрра миты уæзæй...
æгас ком йæ бар у —
Ныннæры, нынниуы — уынгæджы бон, тох! —
Сæ разæй йæ айстой йæ сау монц, йæ хъару.
Нæй уромæг а бæстыл, нæй йын цæлхдур,
Нæ фæкæлдзæн тигътыл.
Цы хъом ысты къæйтæ?
Йæ раст фæндаг — коммæ, æрхуысдзæн йæ хур,
Ныррыг уыдзæн цъассы, фæхаудзæн тæгæлтæ.
Фæлдурæджджын, сонт зæй, æгъатыр, хъæхъхъаг,
Пъæнæзау ныххафы цъæх уæлвæзтæ, фæхстæ...
Æз не ’мбарын, рæстæг, дæ митæ, дæ уаг:
Æвирхъау зæй — разæй!
Гъей, ракæс дæ цæстæй!
Фыццаг фембæлд
Цы хæйрæг мæ сайдта, мæ сонт уды стъалы,
Мæ фыццаг ыстъалы,
Фæсмон мæ хæры!
Къуыпайау ныр дæр ма æрттывдтытæ калы,
Йæ зарæг, йæ рухсæй
Фыццагау цæрын.
Уый атахти, нал и.
Мæ фæндаг ныууазал,
Æрбадти йыл сау мигъ, æрхæндæг, уæззау.
Ныллыгчынди къалиу — ыссардта йæ адзал.
Мæнмæ хауы аххос.
Кæмæ хæссон фау!
Бес-Уæгъуыры тæлмацтæ
// Мах дуг.– 2008.– № 4.